پاکستانی سیاست میں فکری انقلاب

پاکستان عوامی انقلابی لیگ

منشور — ایک متبادل نظام حکومت

Strong Central Authority & Strict Accountability System
منشور ہیڈکوارٹر رابطہ گاہ

+92 333 9393039 | +92 333 9140589

www.inqelab.org
حکومتی اور فکری ماڈل

موجودہ سیاسی نظام اپنی اصل روح کھو چکا ہے۔ طبقاتی کشمکش، مہنگائی، بے روزگاری اور سیاسی و مذہبی گروہوں کی جانب سے مذہب کے غلط معاشی و سیاسی استعمال نے فکری انتشار پیدا کیا ہے۔ پاکستان عوامی انقلابی لیگ اس پرانے فرسودہ نظام کے خاتمے، آئین کی حکمرانی اور شفافیت کے لیے میدان میں آئی ہے۔

آئین کی بالادستی، طاقت کا غلط استعمال روکنا، بدعنوانی و ناانصافی کے خلاف جدوجہد، اور عوام میں پھیلی مایوسی کا خاتمہ کرنا ہمارا بنیادی مقصد ہے۔ ہم ایسی سیاست چاہتے ہیں جو آنے والی نسلوں کے محفوظ مستقبل کی ضمانت ہو۔

Central Governor-General Administrative Model: پاکستان ایک متحد ریاست ہوگا۔ تمام اہم معاشی و عسکری فیصلے مرکزی اتھارٹی کرے گی اور صوبے آزاد ریاستیں نہیں بلکہ انتظامی اکائیاں ہوں گے۔ ملک کا انتظام ایک "Governor General" سنبھالے گا جو ایک "National Advisory Council" (قومی مشاورتی کونسل) کی سفارشات کے ساتھ کام کرے گا۔ عدلیہ مکمل خود مختار ہوگی اور کرپشن پر فوری کارروائی کے لیے آزاد "National Accountability Authority" قائم کی جائے گی۔
خارجہ پالیسی، دفاع اور فلاح

تمام بین الاقوامی فیصلے صرف پاکستان کے اسٹریٹجک اور معاشی فائدے کو دیکھ کر کیے جائیں گے۔ نہ کسی بلاک کی مکمل تابعداری ہوگی اور نہ غیر ضروری محاذ آرائی۔ ہمسایوں کے ساتھ پائیدار امن کے لیے تجارتی اور معاشی سفارتکاری کو فروغ دیا جائے گا۔

دفاعی ادارے مکمل طور پر آئینِ پاکستان کے دائرہ کار کے اندر رہ کر کام کریں گے۔ مشترکہ اسٹریٹجک کمانڈ کو Cyber Defence، خلائی مانیٹرنگ اور AI ٹیکنالوجی سے لیس کیا جائے گا۔ ملٹری کا اپنا انٹرنل احتسابی نظام مضبوط کیا جائے گا اور دفاعی بجٹ کی شفاف رپورٹنگ کی جائے گی۔

قانون کے سامنے سب برابر ہوں گے۔ مساجد کو صرف عبادت گاہ نہیں بلکہ تحصیل اور یونین سطح پر تعلیم، کمیونٹی رہنمائی اور اخلاقی فلاح کا مرکز بنایا جائے گا۔ فرقہ واریت کا خاتمہ کیا جائے گا اور مذہبی و سماجی عطیات کے لیے **Donation Transparency System** نافذ کر کے سالانہ آڈٹ لازمی کیا جائے گا۔

ناراض گروہوں اور پسماندہ طبقات کو قومی دھارے میں واپس لانے کے لیے ایک آزاد **"Truth & Reconciliation Commission"** بنایا جائے گا۔ کم شدت والے معاملات میں مشروط عام معافی دی جائے گی تاکہ انتقام کے بجائے ریاست اور ناراض گروہوں میں اعتماد بحال ہو۔
انسانی و مقامی ترقی کا وژن

پورے ملک میں یکساں نصاب ہوگا جس میں مصنوعی ذہانت (AI) اور آئی ٹی ہنر لازمی شامل ہوں گے۔ رٹہ سسٹم ختم کیا جائے گا۔ قومی یکجہتی کے لیے **یونیورسٹی کے ہر طالب علم کے لیے ڈگری کے دوران کم از کم ایک سمسٹر دوسرے صوبے کی یونیورسٹی میں پڑھنا لازمی ہوگا** تاکہ صوبائی فاصلے اور ثقافتی غلط فہمیاں مٹ سکیں۔

ہر شہری کے لیے لازمی صحت انشورنس کارڈ ہوگا۔ ہر یونین کونسل میں بنیادی ہیلتھ یونٹ بنے گا۔ ایمرجنسی کے لیے 10 منٹ کے رسپانس ٹائم کے ساتھ ڈیجیٹل GPS ایمبولینس اور دور دراز علاقوں کے لیے ہوائی ایمبولینس سروس شروع کی جائے گی۔ مریضوں کا تمام میڈیکل ریکارڈ آن لائن اور کلاؤڈ پر محفوظ ہوگا۔

طاقت پارلیمنٹ سے نکال کر گلی محلے اور یونین کونسل کی سطح پر منتقل ہوگی۔ تین سطحی نظام ہوگا: یونین کونسل (بنیادی خدمات)، تحصیل کونسل (بڑے سروس شعبے)، اور ڈسٹرکٹ گورننس اتھارٹی جہاں منتخب نمائندے ڈپٹی کمشنر (DC) سے زیادہ بااختیار ہوں گے۔ ہر یونٹ کا سالانہ ترقیاتی بجٹ آن لائن ٹریکنگ کے ساتھ براہ راست جاری ہوگا۔
جدید ترین سیکیورٹی و سول سروسز

پولیس کا نام بدل کر **Public Service Protection Force** رکھا جائے گا۔ تفتیشی شعبے (Investigation Wing) کو نارمل لاء اینڈ آرڈر پولیس سے بالکل الگ اور خود مختار کیا جائے گا تاکہ سیاسی دباؤ ختم ہو۔ ہر کانسٹیبل کے لیے باڈی کیمرے اور آن لائن FIR سسٹم لازمی ہوگا۔ تقرریاں صرف سول سروس کمیشن کے ذریعے میرٹ پر ہوں گی۔

جرائم کا سراغ لگانے کے علاوہ روزمرہ شہری قوانین پر سختی سے عمل کروانے کے لیے ایک بالکل الگ **Unified Civil Law Enforcement Force** بنے گی۔ یہ فورس ٹریفک، پبلک سیفٹی، سوشل آرڈر اور تجاوزات کے خلاف یکساں و فوری قانونی کارروائی کی ذمہ دار ہوگی۔

ہر شہری کا شناختی کارڈ (CNIC) کلاؤڈ ڈیٹا بیس سے لنک ہوگا جہاں اس کا تعلیمی ریکارڈ، ٹیکس اور روزگار کا ریکارڈ محفوظ ہوگا۔ اچھے شہری رویے، وقت پر ٹیکس کی ادائیگی اور ٹریفک قوانین کی پابندی پر **Civic Rewards Points** ملیں گے جن کی وجہ سے سرکاری فیسوں، آسان قرضوں اور اسکالرشپ میں رعایت ملے گی۔ ماس سرویلنس (Mass Surveillance) ممنوع ہوگی اور پرائیویسی کا تحفظ کیا جائے گا۔

سست روایتی گریڈ سسٹم اور فائل کلچر کا خاتمہ ہوگا۔ ہر سرکاری افسر کی سالانہ پروموشن صرف **KPI (Key Performance Indicators)** اور ڈیجیٹل کارکردگی پر ہوگی۔ تمام سرکاری فائلیں مکمل طور پر ڈیجیٹل (Paperless) ہوں گی۔ ہر دفتری کام کا وقت مقرر ہوگا اور تاخیر پر خودکار جوابدہی کا سسٹم کام کرے گا۔
معاشی اصلاحات و خودکفالی

ہر ضلع میں **"Employment Generation Unit"** بنے گی جو نوجوانوں کو بلا سود کاروباری قرضے اور لازمی اسکل ٹریننگ دے گی۔ کسانوں کے لیے مڈل مین (آڑھتی) کا خاتمہ کر کے براہ راست سبسڈی اور ڈیجیٹل فارم ٹو مارکیٹ سسٹم لایا جائے گا۔ معذوروں اور بزرگوں کو مستقل وظیفہ ملے گا۔

پچیدہ اور درجنوں ٹیکسوں کی جگہ ایک **Unified Tax System** لایا جائے گا۔ تمام نظام ڈیجیٹل اور کیش لیس ہوگا تاکہ انسانی مداخلت اور کرپشن ختم ہو۔ ٹیکس کا پیسہ براہِ راست اسی ضلع کی بلدیاتی حکومت کو دیا جائے گا تاکہ عوام کو نظر آئے کہ ان کے پیسے سے اسکول اور ہسپتال بنے ہیں۔

ہر ضلع میں **Special Export Industrial Zones** بنیں گے۔ برآمد کنندگان (Exporters) کے لیے فکسڈ اور کم ٹیکس، ون ونڈو رجسٹریشن اور فوری ریفنڈز کی پالیسی ہوگی۔ زرعی مصنوعات کی پیکجنگ اور برانڈنگ کے لیے کولڈ اسٹوریج نیٹ ورک بنے گا تاکہ "Made in Pakistan" برانڈ دنیا میں پھیل سکے۔

انصاف کی فوری اور سستی فراہمی کے لیے ہر ضلع میں **Fast Track Courts** بنیں گی۔ چھوٹے مقدمات کا فیصلہ 3 سے 6 ماہ اور بڑے کیسز کا فیصلہ 1 سے 2 سال میں کرنا لازمی ہوگا۔ مکمل آن لائن کیس فائلنگ اور ویڈیو ہیرنگز (E-Courts System) لاگو ہوگا۔ غریبوں کے لیے بالکل مفت قانونی امداد ہوگی۔

ایم این ایز اور ایم پی ایز کا کام صرف اور صرف قانون بنانا اور ریاستی پالیسیوں کی نگرانی ہوگا۔ تھانہ کلت، پٹواری، ترقیاتی فنڈز کی ذاتی تقسیم اور افسران کے تبادلوں میں ان کا سیاسی کردار بالکل ختم کر دیا جائے گا (Separation of Powers)۔ ترقیاتی فنڈز صرف بلدیاتی نمائندوں کے پاس ہوں گے۔
انتظامی فریم ورک اور دعوتِ عمل

20. انتظامی بنیادوں پر 14 نئے صوبوں کا قیام

موجودہ صوبائی سائز بہت بڑا ہے جس کی وجہ سے دور دراز کے علاقوں کو حقوق نہیں ملتے۔ اس کا مقصد لسانی یا قومیتی تقسیم نہیں بلکہ انتظامی آسانی ہے تاکہ وسائل نچلی سطح تک پہنچیں۔ ہمارے مجوزہ ماڈل کے مطابق درج ذیل 14 صوبے قائم کیے جائیں گے۔

1. گلگت بلتستان
2. ہزارستان
3. کشمیر
4. خیبر پختونخوا
5. جنوبی کے پی کے
6. پنجاب شمالی
7. پنجاب وسطی
8. سرائیکی صوبہ
9. پنجاب جنوبی
10. بلوچستان شمالی
11. بلوچستان جنوبی
12. سندھ شمالی
13. سندھ جنوبی
14. کراچی

21. دعوت نامہ اور انقلابی جدوجہد کا عزم

پاکستان عوامی انقلابی لیگ فرسودہ غیر جمہوری ہٹ دھرمی کی پالیسیوں، بدعنوانی، نااہلی، مایوسی اور ریاستی وسائل کے غلط استعمال کے خلاف ایک حقیقی پرامن سیاسی انقلاب برپا کرنے کے لیے آپ کا ساتھ چاہتی ہے۔ آئیے اس متبادل عوامی اور باوقار نظام کا حصہ بنیں!